Gipangandaman sa Pinoy MMA fighter nga si Lito “Thunder Kid” Adiwang ang iyang 1st flyweight division batok sa Argentinian fighter Mauro “Dinamita” Mastromarini alang sa One fight Night 37 nga ipahigayon sa Bangkok, Thailand, karong Biyernes, Nobyembre 8, 2025.
Mosaka sumala pa sa unang higayon ang timbang ni Adiwang nga 32-anyos aron atubangon ang usa ka mas bug-at nga kontra. Si Mastromarini gikan sa bantamweight division ug mas dako kumpara sa Pinoy fighter.
Apan, giklaro ni Adiwang nga dili siya mahadlok sa pisikal nga bintaha sa iyang kontra. Sumala pa niya, ang katulin, estratehiya, ug fight IQ mao ang iyang armas aron mapildi ang Argentinian fighter.
Photo Courtesy to:Manila Standard
