Trahedya ang misugat sa selebrasyon sa Adlaw sa mga Patay sa Mexico human miulbo ang sunog sa usa ka convenience store sa estado sa Sonora, nga nakapatay og 23 ka tawo ug nakaangol og 11 pa, sumala sa mga awtoridad niadtong Sabado.
Si Carlos Freaner, presidente sa Mexican Red Cross, miingon nga ang mga namatay naglakip sa 12 ka babaye, 5 ka lalaki, ug 6 ka bata. Ang report nag-ingon nga ang pangunang hinungdan sa kamatayon sa mga biktima mao ang paglanghap og aso nga gipahinabo sa paspas nga pagkaylap sa sunog sulod sa bilding.
Giklaro sa lokal nga gobyerno sa Sonora nga ang insidente dili tinuyo ug walay kalabotan sa bisan unsang pag-atake sa terorista, sukwahi sa inisyal nga espekulasyon sa social media. Nagpadayon ang imbestigasyon aron mahibal-an ang tinuod nga hinungdan sa sunog.
Samtang, sa usa ka post sa social media, ang Presidente sa Mexico nga si Claudia Sheinbaum Pardo nagpahayag sa iyang pahasubo sa mga pamilya sa mga biktima ug gipasalig sa gobyerno ang hinanaling tabang sa mga naapektuhan.
Nagpadayon ang mga rescue ug recovery operations sa lugar, samtang ang mga awtoridad naghatag na og psychosocial assistance ug financial aid sa mga pamilya sa mga biktima
via: Abc7
