Gipasalig sa Department of Energy (DOE) nga stable ang suplay sa kuryente atol sa weekend holiday dungan sa All Saints’ and All Souls’ Day.
Sa usa ka pahayag, ang ahensya hugot nga nakig-alayon sa mga power generation companies, National Grid Corporation of the Philippines (NGCP) ug distribution facilities ingon man electric cooperatives aron mamentinar ang walay hunong nga suplay sa kuryente sa tibuok holiday period.
Gibutang usab ang mga lakang sa contingency aron matubag ang posible nga pagtaas sa panginahanglan sa kuryente o mga lokal nga pagkaguba.
Ang NGCP ug distribution utilities mopakatap usab ug technical personnel aron makatubag dayon sa bisan unsang isyu nga may kalabotan sa power supply.
Nanawagan ang ahensya sa publiko nga magpraktis sa episyente nga paggamit sa kuryente, sa balay man o sa mga sementeryo.
