Gipugngan usa sa konseho ang pagpalabang sa duha ka ordinansa may kalabutan sa pagtugot sa pagrenew sa operasyon o prangkisa sa duha ka mga sabungan dinhi sa dakbayan sa Cagayan de Oro. Ang duha ka sabungan nga ginahisgutan ang Bulua Cockpit Arena ug Lumbia Octagon Sports Arena.
Sa nilabayng sesyon, gipaabot ni Majority Floor Leader, Edgar Cabanlas nga susihon usa nila pagbalik kini nga mga ordinansa tungod sa mga legal issues ug posibleng managlahi nga panlantaw sa ehekutibo ug lehislatibo nga departamento sa syudad.
Gipaabot sab ni Konsehal Roger Abaday nga sa iyahang pakigsusi, ang representante sa Lumbia Octagon Sports Arena aduna pay kalambigitan sa ilahang barangay isip administrator.
Dugang ni Konsehal Cabanlas, nga gawas niini nga isyu, aduna pa silay angay nga resolbahon, sama nalang sa legal nga tulubagon kung tugutan ang duha ka sabungan sulod sa usa ka distrito.
Photo courtesy: City Councilor Roger Abaday/Facebook
