Nagpagawas og opisyal nga pamahayag si Mayor Weng Rafallo-Romano kabahin sa isyung nagviral online human sa komentaryo sa TV host nga si Vice Ganda kalabot sa kondisyon sa Bagacay Elementary School nga nahimutang sa lungsod sa Bulusan.
Matod pa sa alkalde, bisan pa nga dako ang ilang pagpasalamat sa donasyong ₱67,360 nga gihatag ni Vice Ganda aron makatabang sa mga estudyante ug magtutudlo sa maong tunghaan, nakapasakit ug naka-ulaw ang iyang pahayag nga “bulok” daw ang eskwelahan ug walay mga reading materials.
“Nagpapasalamat po ang LGU Bulusan sa ipinakitang malasakit ni Vice Ganda, ngunit ang paraan ng pagsasamadla ng kanyang donasyon na may komentong ‘bulok na paaralan at walang reading materials’ ay nagdulot ng kahihiyan sa Bagacay Elementary School, sa bayan ng Bulusan at sa Department of Education,” matod pa sa mayor.
Gipasabot usab ni Romano nga wala gyud labot si Heart Evangelista-Escudero sa isyu.
“Tahasan niyang sinabi na bulok ang eskwelahan sa probinsya ni Heart Evangelista at walang mga reading materials. Nais ko pong bigyang-diin na wala pong kinalaman si Ms. Heart Evangelista-Escudero sa isyung ito,” dugang pa sa mayor.
Giingon sa lokal nga pangagamhanan nga buot lang nilang ipakita nga nagtinabangay ang LGU ug DepEd sa pag-ayo sa mga pasilidad sa mga pampublikong tunghaan sa lungsod ug nga dili angay ikaulaw ang pagpaningkamot sa mga magtutudlo ug ginikanan.
Bisan pa man sa kontrobersiya, padayon nga gipangayo sa LGU Bulusan ang kooperasyon ug pagsabot sa publiko, ug giila nila ang donasyon ni Vice Ganda isip usa ka tabang nga makapauswag sa kalidad sa edukasyon sa maong barangay.
Photo Courtesy to:PEP.PH
