Gipahigayon sa Department of Science and Technology (DOST) Davao del Sur kauban ang Department of Trade and Industry (DTI) Provincial Office, ang Good Manufacturing Practices o GMP Seminar sa DTI Conference Room sa Digos City.
Gitambongan kini sa kapin 15 ka micro, small ug medium enterprises nga naglakip sa food ug non-food sector, nga nagtinguha nga mapalig-on ang ilang negosyo pinaagi sa pagsunod sa GMP standards aron masiguro ang kalidad, kaluwasan ug pagsunod sa regulasyon sa ilang mga produkto.
Ang sesyon gipangulohan ni Leslie Pearl Cancio-Dy, Provincial Science and Technology Director sa DOST XI – PSTO Davao del Sur, nga naghatag og praktikal nga pamaagi ug kaalam alang sa pagpauswag sa produksiyon ug kompetisyon sa lokal nga negosyo.
Kini nga kalihukan nagpakita sa padayon nga paningkamot sa DOST ug DTI sa pagtabang sa mga MSMEs aron mahimong mas kompetitibo ug mas luwas ang ilang operasyon.
SOURCE: DTI DAVAO DEL SUR
