Nakadawat og hinabang gikan sa Provincial Disaster Risk Reduction and Management Office (PDRRMO)–South Cotabato ang kapin sa 38 ka pamilya nga apektado sa kalit nga baha sa Barangay Poblacion, Tupi South Cotabato.
Ang maong kalihokan ubos matod pa sa direktiba sa Gobernador sa maong lungsod pinaagi sa PDRRMO-South Cotabato.
Diin lakip sa gipanghatag mao ang 38 ka food packs ug 38 ka hygiene kits ngadto sa mga apektadong pamilya. Nagkanayon si PDRRMO Rolly Doane C. Aquino nga ang relief operation nagpakita sa dili matarug nga pasalig sa kagamhanang probinsyal sa pagsiguro sa kaayohan sa mga South Cotabateño atol sa mga kalamidad.
Gipahinumdoman usab niya ang mga residente nga magpabiling alerto, ilabina panahon sa ting-ulan, ug makig-alayon sa ilang lokal nga buhatan sa DRRM alang sa tukma nga panahon nga pagtaho ug tabang.
Photo Courtesy to:PDRRMO–South Cotabato
