Nanumpa si Presidential Adviser on Poverty Alleviation, Auxiliary Rear Admiral Lorenzo “Larry” Gadon PCGA, kauban si Auxiliary Commodore Jan Paul Songsong PCGA, nga mao ang Executive Assistant to the Secretary, isip bag-ong miyembro sa Philippine Coast Guard Auxiliary (PCGA) niadtong nakalabay nga adlaw. Ang seremonya gipangulohan mismo ni Admiral Ronnie Gil L. Gavan, Commandant sa Philippine Coast Guard (PCG), nga gipahigayon sa National Headquarters, Port Area, Manila.
Ang maong kalihokan nagpasabot sa pagpalig-on sa panan-awon ni Presidente Ferdinand R. Marcos Jr. aron mapalapdan ang miyembro sa PCGA sa pagsuporta sa mga humanitarian mission ug disaster response operations sa nasud.
Sa iyang mensahe, gipasiugda ni Auxiliary Rear Admiral Gadon nga ang mandato sa PCG dili lamang kutob sa maritime safety ug rescue operations, apan apil usab ang papel niini sa national development, marine economy, ug suporta sa fish production.
Samtang, gidayeg ni Admiral Gavan ang mga bag-ong opisyal sa PCGA tungod sa ilang komitment sa pagpauswag sa maritime development ug paglig-on sa mga coastal communities.
Dugang pa niya, ang pag-apil sa mga bag-ong opisyal sa PCGA Executive Squadron nagpakita sa mas lig-on nga panaghiusa tali sa publiko ug sa uniformed service alang sa kalampusan sa mga poverty alleviation programs pinaagi sa mga maritime civic action activities.
Photo courtesy: Philippine Coast Guard
