Narekober na ang patayng lawas sa magtiayon nga sila Thelma ug Ely Ubatay Sr. human sa lima ka adlaw nga search and retrieval operation sa landslide site sa Sitio Kipolot, Barangay Palacapao, Quezon, Bukidnon kagahapon Oktubre 23, 2025.
Ang mga biktima pareho nga 60 anyos ug residente sa lungsod sa Kitaotao kung asa gikumpirma sa mga anak mismo ang identidad sa narekober nga patayng lawas ug gilubong dayon sa samang adlaw.
Si Municipal Mayor’s Office Spokesperson Ford Cabarde sa exclusive nga pakighinabi sa Juander Radyo Malaybalay miingong natandog ang emotion sa mga responders team dihang nakita nga nagakos ug wala gayud nagbulag sa matag usa ang magtiayon timailhan nga nadawat nila ang nahitabo human natabunan sa 10feet ka lawom nga yuta ug mga debris apan walay mga bali ug samad ilang mga lawas.
Mapalasamaton kini sa malampusong operation kauban ang PDRRMO Bukidnon, MDRRMO Quezon, kasundalohan, kapulisan, uban ang 3 ka SAR dogs, nga sila Venom, Paul and Bella
Dugang pa ni Cabarde nga ang mga K9 dogs sa kasundalohan maoy nakakaplag sa nahimutangan sa patayng lawas sa magtiayon kung diin dihang nasimhotan gilingkuran, mipaghot ug gikalot dayun ni MiYuki usa ka Aspin trained K9 dog nga gikan sa Opol Misamis Oriental.
Gipaabot sa lokal nga pangagamhanan sa Quezon ang pinakadakong pahasubo sa pamilya Ubatay.
via: LGU -Quezon
