Opisyal nang mihulip si PCOL Oliver Navales isip bag-ong Police Provincial Director sa Bukidnon atol sa gihimong turn-over ceremony didto sa Kaamulan Folk Arts Theatre Malaybalay City, Bukidnon kagahapon Oktobre 23, 2025.
Gihulipan ni PCol. Navales si PCol. Juvit L. Culaway kinsa milingkod isip Provincial Director human sa kapin duha ka tuig nga pagkadestino sa probinsya.
Sa iyang mensahe gipasalig nga ipadayon ang nasugdan nga legasiya ni Col. Culaway samtang gisiguro iyang pamunuan nga nakaangkla sa disiplina ug community based program sa paghatag seguridad sa publiko pinaagi sa 4M’s (Maagap, Marunong, Magalang, ug Maayos) aron mas mapalambo ang seguridad ug kalinaw sa probinsya.
Gipasiugda usab ni PCOL Navales ang pag-intensify sa kampanya batok sa illegal nga druga ug ang pag-monitor sa performance sa tanang station commanders sa syudad ug munisipyo aron masiguro ang maayong pagserbisyo sa katawhan.
Ang seremonya gitambungan ni Governor Rogelio “Oniel” Roque, uban sa mga mayor gikan sa lain-laing lungsod ug siyudad kinsa masaligon nga magpabiling lig-on ang relasyon tali sa Bukidnon Police Provincial Office ug sa Provincial Government
Ang turnover sa Office Symbol ug Property and Equipment Inventory Book gipangulohan ni PBGen. Christopher N. Abrahano, acting Regional Director sa PRO 10.
via: BUKPPO
