Naghiusa ang katawhan sa dakbayan sa Valencia, Bukidnon pinaagi sa Praise and Worship sa pagpasalamat ug pag-ampo alang sa malinawon ug malampusong pag-abli sa Pulangi River Gakit Festival 2025 didto sa Riverside Boulevard, Batangan karong adlawa Oktobre 23 hangtod petsa 25, 2025.
Pinaagi sa pag-awit ug pagdayeg, gipadayag sa mga Valencianos ang ilang pagtuo ug pasalamat sa kahigayonan isip usa ka komunidad nga puno sa gugma, paglaum, ug pagtuo sa Diyos usa ka makapadasig nga sinugdanan sa kasadya, kultura, ug panaghiusa.
Giplastar sa City Traffic & Transportation Management Division alang sa hapsay nga dagan sa trapiko ang pormal nga pagsugod sa selebrasyon diin dunay traffic adjustments base sa nahimong traffic plan ang tanang light vehicle gikan sa San Fernando paingon sa Cagayan De Oro City gitambagan nga moagi sa barangay Vintar barangay Kahaponan, Sugod lahos sa barangay Bagontaas samtang gihanggyo kadtong moagi nga Dump Trcuk sa quarry ayha na moagi sa tulay paghuman sa okasyon.
Ang pagsaulog Gakit Festival 2025 nagpasidungog sa Pulangi River isip tinubdan sa kultura ug kalamboan sa dakbayan sa Valencia.
Nagkalain-laing mga kalingawan ang giandam ug hatod usab sa lokal nga pangagamhanan alang sa tulo ka adlaw nga kasaulogan sama sa Battle of the Tribal Band alas 7:00pm, Video Vlogging Contest, Painting Contest, Festival Queen Competition sa Oktobre 25, ug uban pa.
via: LGU Valencia City
