Nagplano ang Pilipinas nga mo-host sa Asian Youth Games. Matod ni Philippine Olympic Committee (POC) president Abraham “Bambol” Tolentino, gipadangat na niini ngadto sa Malacañang ang impormasyon sa planong pag-host sa 2031 Asian Youth Games.
Dugang pa niya nga gawas sa Asian Youth Games, ila usab nga gikonsiderar ang pag-host sa Asian Beach Games.
Naglaum ang opisyal nga matabangan sa gobyerno matuman ang maong plano sa tumong madugangan ang kahigayonan sa mga batan-ong atleta sa nasud nga makasalmot sa mga internasyonal nga kompetisyon.
Sa nagpadayon nga Asian Youth Games sa Bahrain, nagpadala ang Pilipinas og 141 ka mga atleta aron mosalmot sa Volleyball, Golf, Triathlon, Boxing, Teqball, Athletics, Weightlifting, Jiujitsu Ug Kurash.
via: Olympic.Ph
