Usa ka makapa wow nga suba ang makita sa Meghalaya India nga ginganlang Umngot River, nga nailhan sa iyang katingalahang kristal nga kasinaw sa tubig hangtod nga daw naglutaw sa kahanginan ang mga sakayan nga naglabay niini.
Ang maong suba nag-agas taliwala sa kolor Green nga kabukiran ug luag nga kakahoyan samtang nailhan na karon nga “Pinakalimpyo nga Sapa sa Asia.”
Ang pagka tinaw sa tubig niini tungod sa gamay ra nga kalihokan sa tawo, limitado nga polusyon, ug natural ang pagsala sa tubig nga gihimo sa palibot sa ekosistema.
Daghang turista ang naghulagway sa maong lugar nga “murag damgo,” kay makita sa tubig ang hulagway sa langit ug kabukiran, nga murag naglutaw sa kahanginan ang mga bangka.
Ang mga lumad nga nagpuyo duol sa sapa naningkamot nga mapreserbar kini pinaagi sa pagdili sa paglabay og basura ug maampingong pagdumala sa kinaiyahan.
Gawas sa katahum niini, ang Umngot River nagasuporta usab sa daghang matang sa isda ug ubang hayop sa tubig nga nagpamatuod sa himsog nga kalikupan sa palibot.
via: Wikipedia
Photo Courtesy to:Mybestplace
