Sikop sa kapulisan ang 42 anyos nga lalaki nha nalista isip High-Value Individual (HVI) atol sa gikasang joint anti-drug buy-bust operation sa may Purok 1, Barangay Resthouse, Aurora, Zamboanga del Sur, adlaw’ng Miyerkules, Oktubre 22, 2025.
Gikasa ang operasyon sa pagpanguna sa Zamboanga del Sur Provincial Drug Enforcement Unit, Zamboanga del Sur Provincial Intelligence Unit, Aurora Municipal Police Station, ug 902nd Maneuver Company of RMFB 9, sa koordinasyon sa PDEA-9.
Nakumpiska gikan sa posesyon sa suspetsado ang lima ka gagmay’ng pakete sa gituohang shabu, usa ka P500 bill nga nagsilbing buybust money, usa ka Infinix Android Cellular phone, ug usa ka sling bag.
Ang mga nakuhang mga ebidensya gisubmitar ngadto sa Zamboanga del Sur Provincial Forensic Unit, Camp Abelon, Pagadian City alang sa laboratory examination.
Samtang nakakustudiya na usab sa Aurora Municipal Police Station ang suspetsado aron atubangon ang kasong paglapas sa Comprehensive Dangerous Drugs Act of 2002 kon RA 9165.
Photo for illustration credits to:Istock
