Gihimong Hotel ang kaniadto usa ka pampublikong kasilyas sulod sa kapin 100 ka tuig nga gibansagang ang “The Netty,” usa ka underground boutique hotel nga nahimutang sa tunga sa St. Giles Road sa Oxford.
Gitukod ang The Netty niadtong 1895 sa panahon ni Queen Victoria. Gigamit kini isip men’s public comfort room hangtod 2008, dihang gisira kini tungod sa mga isyu sa seguridad.
Giabandona kini sulod sa 11 ka tuig nga wala magamit ug napasagdan, hangtod nga nakadesisyon nga buhion pag-usab ug himuong usa ka talagsaon nga boutique hotel.
Karon, giisip kini nga usa sa pinakatalagsaon nga lugar puy-an sa tibuok Oxford. Sumala ni Ana Pinheiro, hotel manager, bisan og “dili kini para sa tanan,” aduna gyud kini’y kaugalingong charm.
Sa ilang panan-aw mao ang paghimo ug espasyo nga ganahan sa mga turista nga nangita ug lain-laing kasinatian, matod ni Pinheiro sa usa ka mantalaan.
Ang “The Netty” nagatanyag lamang ug duha ka yunit, nga nagkantidad ug £170 (mga ₱13,380) matag gabii.
Wala kini’y reception, restaurant, o room service, apan ang mga bisita adunay access sa help line para sa bisan unsang tabang nga ilang kinahanglan, ug libre nga cocktail sa ilang pag-abot.
Photo Courtesy to: Joe Daniel Prince
