Gi-amendahan sa Bangko Sentral ng Pilipinas (BSP) ang mga palisiya aron hatagan og mas daghang opsyon sa pagpamuhunan ang mga overseas Filipino.
Gitugotan na karon ang mga Personal Equity and Retirement Account (PERA) Unit Investment Trust Funds nga dili na kinahanglan mosunod sa karaang limitasyon sa pagpanag-iya sa mga non-resident sa BSP securities.
Tungod sa bag-ong regulasyon, mahimo na karon nga makapamuhunan sa BSP securities ang mas daghang investors nga naa sa gawas sa nasud.
Kahinumduman, nga kaniadto wala kini gitugot tungod sa pipila ka restriction sa non-resident ownership limit.
Ang mga tagdumala sa susamang sistema mao ang mga bangko ug trust companies, nga nagtumong nga hiusahon ang pondo sa mga indibidwal aron makahimo og diversified portfolio bisan pa sa gamay nga kantidad.
Tinguha sa BSP nga mapalig-on ang pinansyal nga kahimsog sa mga Pilipino, mapa-local man o abroad ug mapaayo pa ang pribadong pension system sa nasud.
Photo courtesy to: panaynews.net
