Gihimakak sa Embahada sa Pilipinas sa Estados Unidos ang isyu nga adunay ginapatuman nga “crackdown” batok sa mga Pilipinong adunay dual citizenship.
Sa usa ka opisyal nga pahayag, gipanghimakak sa embahada ang nagkaylap nga video sa social media nga ni ingon nga gi-obliga matod pa sa gobyerno sa US ang mga dual citizens nga i-renounce o isalikway ang laing nasyonalidad sugod Oktubre 2025.
Sumala sa embahada, wala kini’y kamatuoran ug walay gipangusgan nga bag-ong palisiya ang US government nga may kalabutan sa dual citizenship.
Gipasabot niini nga padayon nga ginaila sa Estados Unidos ang mga indibidwal nga adunay labaw pa sa usa ka nasyonalidad, ug wala’y ipatuman nga limitasyon o pagpugong sa ilang legal nga kahimtang.
Giingon pa sa embahada nga napamatud-an na kini sa ilang unang advisory, diin gipaniguro nga wala’y bisan unsang kabag-ohan sa polisiya sa US kabahin sa pagdumala sa mga dual citizen.
Tungod niini, gihangyo sa embahada ang Filipino community sa US nga magmatngon ug mag-verify sa impormasyon nga ilang madungog o makita sa social media ug uban pang plataporma.
Photo courtesy to: Newsko
