Ipatuman sa Philippine National Police (PNP) ang “full alert status” sa tibuok nasud sugod Oktubre 31, isip kabahin sa ilang preparasyon alang sa pag-obserba sa Undas.
Ang maong lakang gibuhat aron masiguro ang kaluwasan sa katawhan, labi na kay gilauman ang daghang tawo nga mobisita sa mga sementeryo, memorial parks, ug transport hubs sa nagkalain-laing lugar sa nasud.
Sumala sa mando ni Acting PNP Chief Police Lieutenant General Jose Melencio C. Nartatez Jr., gipahugtan ang police visibility operations sa tanang police regional offices aron malikayan ang bisan unsang kalihukan nga makadaot sa kalinaw ug seguridad sa publiko.
Gibanabana nga 25,000 ka mga pulis ang ipakatap sa nag-unang lugar, samtang andam usab ang dugang pwersa ug kagamitan aron matubag dayon kung adunay emerhensiya o kalit nga insidente.
Samtang, gihangyo sa PNP ang publiko nga magpabiling alerto panahon sa undas
PHOTOS COURTESY TO: Ping lacson
