Nagpagula og pahimangno ang Bureau of Fisheries and Aquatic Resources (BFAR) Caraga human makita sa ilang laboratory analysis nga positibo sa Paralytic Shellfish Toxins (PST) ang mga sample sa kinhason nga nakolekta gikan sa Lianga Bay, baybayon nga bahin sa Barobo, Surigao del Sur.
Base sa resulta sa Enzyme Linked-Immunosorbent Assay (ELISA) test nga gihimo sa BFAR Caraga, gipasidaan ang publiko nga likayan una ang pagpanginhas, pagpamaligya, ug pagkaon sa tanang klase sa shellfish (“kinhason”) ug Acetes sp. o “alamang” nga gikan sa Lianga Bay aron malikayan ang posibleng shellfish poisoning.
Sumala sa BFAR, ang maong pahimangno usa ka precautionary measure samtang naghulat pa sa kumpirmatory test gikan sa BFAR Central Office. Gipasabot usab sa ahensya nga ang isda, alimango, ug pusit pwede ra makaon, apan kinahanglan nga tanggalon ug limpiyuhan pag-ayo ang mga tinae o internal organs sa dili pa kini kaluton o kaunon.
Sa karon, padayon nga gibantayan sa BFAR ug mga lokal nga panggamhanan (LGUs) ang maong lugar aron maprotektahan ang kahimsog sa publiko ug mabuhig ang industriya sa shellfish sa rehiyon.
Photo courtesy: Provincial Fisheries and Aquatic Resources Office-PLGU Surigao del Sur
