Natala sa Guinness World Records ang usa ka talagsaon nga Red Dress, nga may gibug-aton nga 6.8 kg nga gihimo gikan sa 87 ka piraso sa burgundy silk dupion fabric, giila nga “pinakadakong collaborative embroidery project” sa kalibutan.
Matod pa nga sa sulod sa 14 ka tuig, 380 ka artist gikan sa 51 ka nasod ang nagtahi ug nagborda sa sinina, nga adunay lainlaing mga disenyo. Nagsugod ang ideya kaniadtong 2009 kauban ang artist sa Britanya nga si Kirstie Macleod, nga gusto ipasiugda ang wala matagad nga talento sa mga trabahante sa tibuok kalibutan.
Gipili niya ang pagborda tungod kay kini ma-access ug inklusibo, nga nagtugot sa tanan sa pagpaambit sa ilang kultura ug mga kasinatian. Ang mga embroider gikan sa lain-laing sektor sama sa mga refugee, asylum seeker, ug propesyonal nga mga artist, nga naggamit sa sinina isip plataporma sa pagpahayag sa ilang mga isyu ug tradisyon.
Mokabat 141 nga mga artist ang gibayran nakadawat sa bahin sa kita gikan sa mga exhibition at merchandise sales, nga naghatag kanila usa ka regular nga kita ug pag-ila sa kalibutan. Ang Red Dress nagpadayon sa paglibot sa mga gallery sa tibuok kalibutan, nga nagpakita sa gahum sa kolektibong arte.
Photo Courtesy: The Boston Globe
