Pagpahugot sa pagimpusar sa balaod ug walay langan nga pagmintinar sa kahapsay ug kalinaw maoy nag-unang laraw sa bag-ong milingkod isip Acting Regional Director sa kapolisan sa Northern Mindanao nga mao si Brigadier General Christopher Abarahano.
Kini ang gipalanog ni PBGEN Abrahano, sa iyang opisyal nga command visit sa Bukidnon Police Provincial Office kagahapon Oktobre 16, 2025 kinsa mainitong giabiabi ni Provincial Director PCOL Jovit Lontac Culaway, kauban sa tanang Chief of Police sa City ug Municipal Police Stations sa probinsya.
Sa iyang mensahe, gipasiugda ni PBGen. Abrahano ang kamahinungdanon sa PPR Framework Prepare, Prevent, and Respond nga nahisubay sa Crisis Management ug Disaster Response System sa nasud.
Gipasiugda sa opsiyal ang kamahinungdanon sa pagpatrolya, diin mas matuman ang target nga Quick Respond pinaagi sa iyang itudlo nga sistema sa pagbiyahe pinasikad sa epektibo nga formula, usa na niini ang pagbutang ug police matag 3 kilometros aron daling marespondihan kung adunay kriminalidad o emerhensya.
Gihatagan usab niya og gibug-aton ang panginahanglan sa pagpalig-on sa liderato ug disiplina, nga nag-awhag sa tanan nga mga opisyal sa pulisya nga manguna pinaagi sa panig-ingnan ug gamiton ang ilang awtoridad sa pagdisiplina ingon man ang pakiglambigit sa komunidad.
via: Bukidnon Police Provincial Office
