Dunay mga kausaban nga gipatuman ang mga organizers sa 33rd Southeast Asian Games (SEA Games) nga ipahigayon sa Thailand.
Si Gymnastics Association of the Philippines President Cynthia Carrion niingon nga ang two-time Olympic gold medalist nga si Carlos Yulo ang maapektuhan. Ang mga organizers namahayag nga ang lagda mao nga ang mga atleta sama ni Yulo nga makigtigi sa lain-laing mga apparatus makapili lang og usa nga apilan.
Dugang ni Carrion nga masaligon ang mga organizers tungod kay makuha gyud ni Yulo ang tanang kategorya ug apparatus nga iyang apilan. Mahimong pilion lang ni Yulo ang parallel bars tungod kay didto niya nakuha ang gold medal.
Itugyan usab nila ang floor exercise kang Ivan Cruz ug vault kang Miguel Besana, kinsa nakadaog sa kampiyonato sa miaging SEA Games. Si Yulo kasamtangang nakatutok sa Artistic Gymnastics World Championships nga ipahigayon sa Jakarta, Indonesia gikan sa Oktubre 19 hangtod 25, 2025
via: VMX
