Arestado ang usa ka lalaki sa gipahigayong Drug Buy-Bust Operation sa mga personahe sa Titay Municipal Police Station sa pagpanguna ni PMAJ ARNOLD A ESPARES, ACOP (Lead Unit) kauban sa ZSB 2nd PMFC ug uban pang mga unit sa Barangay Culasian, Titay,Zamboanga Sibugay Province niadtong nakalabay nga adlaw.
Naila ang dinakpang nga residente sa nasampit nga lugar kung asa nakuha sa iyang posisyon ang 5 ka pakete sa gituohang shabu nga gibanabanang motimbang sa 1 gramo nagkantidad sa Php 6,800.00; usa ka piraso sa 500 peso bill nga marked money ug uban pang mga butang.
Migamit ang mga operatiba og alternative recording device atol sa pag imbentaryo sa maong butang nga anaa ang presensya sa Barangay Official ingonman ang Media Representative og pagkahuman gidala ang dinakpan sa Titay MPS samtang ang droga gidala sa Zamboanga Sibugay Provincial Forensic Unit alang sa Qualitative og Quantitative examination.
