Bisan pa sa kusog nga mga linog ang nahitabo niadtong Biyernes, nagpadayon gihapon ang Indigenous Peoples (IP) Games – Mindanao Leg niadtong Sabado sa buntag sa Buenavista, Agusan del Norte.
Kapin sa 30 ka mga delegado gikan sa lain-laing lungsod sa probinsya ang nagtipon sa Buenavista Central Elementary School grounds alang sa opening ceremony. Ang mga miyembro sa tribo nga mitambong naggikan sa Higaonon, Manobo, ug Mamanwa nga mga tribo sa Agusan del Norte.
Sumala sa pamahayag sa National Commission on Indigenous Peoples (NCIP) sa probinsya, nagpahigayon sila og mga lakang aron masiguro ang kaluwasan ug kahimsog sa mga partisipante ug stakeholders human sa linog.
Isip kabahin sa mga safety protocol, temporaryong gisuspinde ang paggamit sa gymnasium. Nasayran nga nakasinati ang Agusan del Norte og Intensity IV (moderately strong) nga epekto atol sa magnitude 7.4 nga linog nga nahitabo sa Manay, Davao Oriental niadtong Biyernes sa buntag.
Ang IP Games nga gipasiugdahan sa PSC sukad 2018 nagtinguha nga ipakita ug ampingan ang tradisyonal nga mga dula sama sa pana (arrow), kadang-kadang (bamboo stilts race), trumpo (spinning top), ug sibat (bow).
Lakip pa sa uban nga mga dula nga gipahigayon sa Agusan del Norte mao ang Pintik, Bangkaw, Bag-ud, Sudsu, Takyang, Indigenous Race, Tug of War, Fire Making, Lubok-Humay, ug Unahik/Palosebo/Katkat Kawayan.
SOURCE: PNA
