Gipataas sa gobyerno sa nasud Indonesia ang alert level sa Mount Lewotobi Laki-Laki, ngadto sa pinakataas nga lebel, human kini mibuto ug mipagawas og abo nga misaka hangtod 10 kilometro sa kahanginan ibabaw sa Flores Island.
Tungod sa pagbusikad, gisuspenso ang mga biyahe sa eroplano sa Maumere Airport, samtang gipahimangnoan sa mga otoridad ang mga residente nga dili moadto duol sa bulkan sulod sa 7 kilometro gikan sa bung-aw niini.
Gipahimangnoan usab ang publiko nga ang kusog nga ulan posibleng makapahinabo og lahar o volcanic mudflow, nga makadugang pa sa peligro sa mga dapit nga duol sa bulkan. Dugang pa niini, padayon ang pagbantay sa mga otoridad samtang gibuhat ang mga lakang aron masiguro ang kaluwasan sa mga residente sa apektadong lugar.
Photo courtesy to:UPI
