Nasikop sa kapulisan sa Panabo City Police Station kauban ang 2nd Davao del Norte Provincial Mobile Force Company, Revitalized Pulis Barangay Kauswagan ug Mabunao Cluster, ug PDEA sa nahisgutang probinsya ang duha ka lalaki atol sa gihimong drug buy-bust operation sa Barangay JP Laurel, Panabo City, Davao del Norte alas 4:45 sa hapon, Oktubre 14, 2025, sa Purok Pantukan 2, sa maong barangay.
Base sa report sa kapulisan giila ang mga nasikop nga sila si alyas Justine, street level individual, 25 anyos, minyo, laborer, ug residente sa Barangay San Francisco, Panabo City, ug si alyas Sherwin, 44 anyos, single, driver, nga taga Barangay San Francisco sa samang lungsod ug probinsiya.
Nadakpan ang duha human napalitan sa poseur buyer og gituohang shabu samtang narekober usab sa ilang posesyon ang tulo (3) ka sachets nga adunay gibana-banang timbang nga 3 gramos, ug adunay Standard Drug Price nga mobalor og P20,400.
Sa pagkakaron, padayon ang imbestigasyon sa mga otoridad aron masuta ang mas lawom nga koneksyon sa maong operasyon. Mag-atubang ang duha og kaso nga kalapasan sa Republic Act 9165 kon Comprehensive Dangerous Drugs Act of 2002.
Photo courtesy to:Panabo City Police Station
