Mitala ang Portuguese striker nga si Cristiano Ronaldo og bag-ong record. Nakuha sa 40-anyos nga striker ‘back of the net” sa ikaduhang higayon aron matabla ang dula nga 2-2 batok Hungary.
Nanguna kini isip goalscorer sa FIFA World Cup qualifying history. Sa wala pa niini masakmit ang rekord, aduna kini patas nga 39 goals sama ni Carlos Ruiz sa Guatemala apan karon aduna na kini 41 goals nga nakuha.
Matod pa ni Ronaldo, nga dako ang iyang kalipay nga makarepresentar sa nasud hilabi na nga aduna na kini bag-ong record nga natala.
Kasamtangan adunay na kini kinatibuk-an nga 143 nga internasyonal goals alang sa Portugal, diin gipalapdan ang men’s international scoring record nga na-break kaniadtong 2021
via : CRISTIANO
