Giangkon sa No. 1 overall pick sa 2025 PVL Rookie Draft og volleyball star Bella Belen nga kinahanglan pa niyang palamboon ang iyang dula ug magpahi-angay sa kompetisyon sa Premier Volleyball League kon (PVL) aron makigpatas sa mga beteranong magduduwa.
Nagdula si Belen alang sa Capital 1 Solar Spikers, diin napildi sa ilang unang opisyal nga duwa sa 2025 PVL Reinforced Conference batok sa PLDT High Speed Hitters sa straight sets, nga 22 over 25, 20 over 25, og 23 over 25, niadtong milabay’ng adlaw sa Araneta Coliseum sa Quezon City.
Sumala ni Belen, usa kini ka dakong hagit alang kaniya isip bag-ong mandulaay, tungod kay dili lalim ang level sa kompetisyon sa PVL. Dugang pa niini, ang tulo ka higayon nga UAAP MVP gikan sa National University nakapuntos og 13 pinaagi sa mga spike ug midugang og siyam ka excellent digs.
Bisan pa sa kapildihan, nalipay gihapon si Belen nga nakasangka nila ang PLDT, ug nagtuo siyang makakat-on pa sila ug daghang leksyon alang sa sunod nilang mga duwa.
Photo courtesy to:One sports
