Pormal nang gi-inagurahan ug gi-blessingan ang bag-ong nahuman nga building sa Labangan Municipal Fire Station,niadtong nakalabay nga adaw. Ang maong pasilidad usa ka three- storey building nga gipondohan ug dul-an sa 10 milyones pesos sa BFP Region 9 aron hingpit kining ma-establisar.
Nanguna sa kalihukan si BFP 9 Regional Director FCSUPT Jerry D. Candido kauban si Provinicial Fire Marshal FSUPT Lucio Albaracin ug mga personahe sa Labangan MFS pinangunahan ni SFO2 Marites O.Arnado Acting Fire Marshal.
Mitambong usab sa kalihukan si Labangan Mayor John Raymon C.Yu, ug uban pang mga Municipal Officials. Dungan sa kalihukan mipaabot usab sa kinasing-kasing nga pagpasalamat si SFO2 Arnado sa LGU Labangan sa pagdonar ug luna aron hingpit matukod ang maong fire station.
Bisan wala pay Firetruck ang maong pasilidad apan malaumon si SFO2 Arnado sa gipasalig sa LGU Labangan sa gi-request nga Firetruck aron magamit sa panahon nga adunay mahitabo nga sunog.
