Naghisgot sa mga posibleng programa ug proyekto alang sa kalamboan sa komunidad ang lokal nga panggamhanan sa Kapalong ug Tagum Cooperative atol sa courtesy visit sa mga representante sa kooperatiba kang Mayor Edgardo L. Timbol niadtong Oktubre 26, 2026.
Gipangulohan ni Sherwin Michael V. Crame, CPA, MBA, ang delegasyon sa Tagum Cooperative, kauban ang mga personahe. Nakasentro ang ilang panagtagbo sa mga oportunidad sa pakigtambayayong tali sa kooperatiba ug sa lokal nga panggamhanan sa nasangpit nga lungsod.
Gihisgutan usab ang mga inisyatiba nga posibleng makatubag sa panginahanglan sa komunidad ug makahatag og dugang oportunidad sa mga lumulupyo niini.
Gipasiugda sa maong panagtigom ang kamahinungdanon sa panag-uban sa lokal nga panggamhanan ug mga kooperatiba aron mapalambo ang mga programa ug serbisyo nga makatabang sa katawhan ug sa kalamboan sa Kapalong.
Photo Courtesy: KAPALONG INFOCENTER
