EL Departamento del Bumbero en este Ciudad Tiene apelo na publico aserca con el fire prevention para na vendero periodo del Todos Los Santos y Las Almas este anyo.
Este para preveni el incidente de incendio na dia de visitada con el maga familia na cementerio na Noviembre 1 y 2. Ya dale aviso el bumbero aserca el jusada de candela, posporo, lighter y otros pa materiales que puede causa el Quema.
Omentos pa que debe pone el kandela na plato que tiene agua para aver si man upot o puede accidentalmente tumba, evita man kalayat el fuego. y antes sale na casa debe desconecta el maga connection del maga galamiton de coriente y mas mehor que apaga con el circuit breaker si necesario, asegura tambien que checya con el tanque de LPG.
Ademas este maga precaucion y aviso estaba na Bumbero hay puede preveni el maga incidente de incendio y tambien puede proteje con el vida y propiedad durante el periodo na Dia de todos los santos y las almas.
