Mapasigarbuhon karon ang mga Filipino cue master nga mohupot sa 2025 WPA Women’s World 10-Ball crown. Kini human sila si Chezka Centeno ug Rubilen Amit naghan-ay og all-Filipino championship showdown sa WPA Women’s World 10-Ball nga gipahigayon sa Bali, nasud Indonesia.
Miabante na sila si Centeno ug Amit sa finals human mapildi ang tagsa-tagsa nila ka kaatbang sa semifinals. Gipildi ni Centeno ang three-time World 9-Ball champion nga si Liu Shasha sa China pinaagi sa 3 over 0 nga demolisyon.
Si Centeno nagtinguha nga mabawi ang korona nga iyang nadaog sa 2023 nga edisyon. Unang gipildi ni Centeno si 2024 World 10-Ball titlist Kristina Tkach sa Russia sa unang hugna sa wala pa gipildi si Wang Wan-Ling sa Chinese-Taipei sa quarterfinals.
Sa laing bahin, gipildi ni Amit si Margarita Fefilova sa Belarus pinaagi sa 3 over 1 nga desisyon. Si Amit nagtinguha nga makadaog sa iyang ikatulo nga World 10-Ball crown human nakadaog sa torneyo niadtong 2009 ug 2013 nga edisyon.
Si Amit miabante sa semifinals pinaagi sa pagpildi kang Pia Filler sa Germany sa unang hugna ug Chou Chieh-Yu sa Chinese-Taipei sa quarterfinals sa iskor nga 2 over 3.
Photo courtesy to:rappler
