Giklaro sa Bangko Sentral ng Pilipinas (BSP) nga wala kini mouyon sa pagtangtang o pag-phase out sa bisan unsang denominasyon sa salapi, human mitungha ang mga ispekulasyon nga adunay plano nga tangtangon ang ubang mga papel nga salapi gikan sa sirkulasyon.
Matod sa BSP, padayon nga legal tender ang tanang kasamtangang denominasyon sa mga banknotes ug coins, ug mahimo gihapon kini gamiton sa tanan nga mga transaksiyon.
Gipasabot sa ahensya nga ang pagpabilin sa kompletong denominasyon makatabang aron mapadali ang saktong pagbaligya, pagpamalit, ug pagdumala sa kwarta sa publiko.
Gipangayo usab sa BSP sa publiko nga magmatngon batok sa mga maling impormasyon nga naglibog sa katawhan bahin sa legal nga gamit sa salapi.
Gidugang sa institusyon nga magsugod ra sila og withdrawal o demonetization kung adunay opisyal nga pahibalo pinaagi sa mga pormal nga advisories ug kampanya sa impormasyon.
Photo courtesy to:Shutterstock
