Magdula isip starter ang ilahang no. 1 pick nga si Cooper Flagg sa Dallas Mavericks alang sa ilahang duwa batok sa Utah Jazz.
Matod ni NBA insider Marc Stein, si Flagg ma-assign sa Mavericks isip point guard, kauban sila si PJ Washington, Klay Thompson, Anthony Davis, ug Dereck Lively II.
Bisan kung ang natural nga posisyon ni Flagg sa korte dili magdala sa bola, gipakita na niya ang iyang abilidad sa paghimo og opensa alang sa iyang mga kauban. Nag-average siya og 3.5 ka assists sa iyang unang duha ka duwa sa NBA—usa ka maayong pagsugod alang sa Mavericks, ilabi na kay ang ilang main point guard, si Kyrie Irving, nagpaalim pa.
Si Flagg usa ka kanhi magdudula sa Duke University, diin siya nag-average og 19.2 puntos ug 7.5 ka rebounds matag duwa. Sa una niyang duha ka duwa sa NBA, gipakita dayon niya ang iyang talento pinaagi sa pag-average og 10.5 puntos ug 6.5 rebounds matag duwa.
Photo courtesy to:The Guardian
