Mi-arangkada na si Jaja Santiago, sa iyang unang dula sa iyang bag-ong team, ang Denso Airybees, sa 2025-2026 Japan SV League.
Nipakita sa iyang abilidad ang middle blocker nga si Santiago pagpangulohan ang Denso Airybees ngadto sa 25-21, 25-17, 25-22 nga kadaugan batok sa Toray Arrows. Nahimong solid ang dula ni Santiago gikan sa opensa hangtod sa depensa, nga adunay daghang mga hait nga quick plays ug solidong blocking.
Nikasa si Santiago og 14 puntos gikan sa 11 ka atake ug tulo ka blocks alang sa 61.11 nga efficiency rating. Gipili si Santiago nga Player of the Game, ug nagpasalamat sa iyang mga supporters sa Japanese nga sinultihan. Ang Airybees makigsangka pag-usab sa Toray sa sunod nilang dula.
Sa laing bahin, nakita na ang kanhi National University opposite hitter ug Alas Pilipinas standout nga si Alyssa Solomon alang sa Osaka Marvelous.
Apan, dili maayo ang nahimong debut ni Solomon, human napildi ang Osaka Marvelous kontra sa Victorina Himeji sa iskor nga 25-17, 26-28, 25-23, 22-25, 11-15.
Photo courtesy to:Spin
