Gi-report nga nawala ang duha ka mga overseas Filipino workers (OFW) didto sa Hong Kong, sumala sa Migrant Workers Office.
Giila ang mga nawalang Pinay nga sila si Imee Mahilum Pabuaya, 23 anyos, ug Aleli Perez Tibay, 33 anyos. Katapusan silang nakita niadtong Oktubre 4 sa Tsuen Wan District.
Matod pa ni Antonio Villafuerte, ang officer-in-charge sa Migrant Workers Office, migawas na usab sa social media ang balita mahitungod sa duha ka nawalang OFW.
Nakig-alayon na ang Philippine Consulate sa pulisya ug sa Immigration department didto sa Hong Kong aron masubay ang duha ka OFW.
Photo courtesy: Migrant Workers Office – HONG KONG
