Nagpadayon pa sa pag imbistigar ang Kapulisan sa pagpamusil patay sa Juris Doctor nga si Niruh Kyle Antatico samtang anaa sa sulod sa iyang gimanehong sakyanan sa Zone 1, Crossing Patag ning siyudad sa Cagayan de Oro.
Ngdumili pa sa paghatag og pamahayag sa update sa imbistigasyon ang Hepe sa Carmen Police Station nga si Police Major Peter Tajor, apan migawas karun sa social media gikan sa mga naka-ila ug higala sa biktima ang posibleng motibo sa pag patay sa biktima nga may kalabutan sa ma-isog nga pakigbatok niini sa korapsyon sa iyang gitrabaho-ang ahensya nga National Irrigation Administration.
Makita sa mga Facebook Post sa biktima ang pagka vocal niini batok korapsyon. Posibleng planado ang ang pag patay sa biktima tungod kay dugay na kining nakadawat og hulga sa kinabuhi base sa mga nikaylap karun nga private message sa social media.
Sa kasamtangan gipahiluna na sa kabanay niini ang patayng lawas sa biktima
