Subli nga pasidunggan si TNT Coach Chot Reyes sa ikapito na nga higayon isip PBA Coach of the Year sa umaabot nga ika-31 nga edisyon sa PBA Press Corps (PBAPC) awards night karong Lunes, Oktubre 13.
Human niya nadala ang TNT sa tulo ka sunod-sunod nga finals appearance, nakuha ang duha ka championship, ug nahuman ang taas nga 75 ka duwa tibuok season, si Chot ang nakakuha sa Virgilio “Baby” Dalupan Trophy batok kang Leo Austria sa San Miguel Beermen, kinsa iyang kaatbang sa nahisgutang award.
Sa pagkakaron, si Chot ang naghupot sa pinakadaghan nga Coach of the Year Award sa PBA.
Photo courtesy: Chot Reyes
