Gipangulohan ni Karl Anthony-Towns ang New York Knicks nga magpabiling limpyo ang preseason record ug ikaduhang sunodsunod nga kadaugan batok sa Minnesota Timberwolves, sa score nga 110-95.
Ang big man adunay 10 puntos ug 11 ka rebounds batok sa iyang kanhing koponan. Nidugang og 15 puntos ang beteranong guwardiya nga si Mikal Bridges.
Ang forward nga si Juluis Randle maoy nangulo sa opensa sa Timberwolves pinaagi sa iyang 16 puntos ug 5 ka rebounds, samtang ang shooter nga si Anthony Edwards miamot og 17 puntos.
Nag-overtime ang duwa sa duha ka teams human nagtabla ang ilang mga puntos sa 90 sa pagtapos sa regulasyon sa 4th quarter.
Pagsulod sa OT, nauna dayon ang Knicks ug sulod sa singko minutos, nakaposte sila og diyes puntos pinaagi sa tabang sa ilang bench players nga sila si Miles McBride ug Jordan Clarkson.
Wala na makaapas ang Wolves ug nakahimo lang sila og lima ka puntos sa lima ka minuto nga OT.
Base sa kinatibuk-ang estadistika, dili layo ang gilay-on sa duha ka teams human parehong nakatala og ubos-38 ang kinatibuk-ang shooting percentage samtang parehong naghimo og 15 ka 3-pointers matag usa.
Bisan sa rebound, pareho silang adunay 55 ka rebounds matag usa.
Nakabentaha lang ang Knicks sa paint area human miiskor og 38 puntos sulod sa paint samtang 28 lamang ang balos sa Minnesota.
Photo courtesy to:NBA
