Samdan ang duha ka pulis samtang napatay usab ang usa sa mga suspek human nakigbinayluay ug bala sa Franklin County, Pennsylvania niadtong nakalabay nga adlaw.
Sa inisyal nga report sa Pennsylvania State Police, taknang alas-6 sa gabei dihang meresponde ang duha ka personahe sa pulisya sa nahitabong insidente nga pagpangawat sa lugar ug misuway ug sibat ang mga kawatan ug gipang-gukod sa kalsada sakay sa ilang sakyanan.
Apan gigamitan kini sa otoridad ug spike strips aron muhunong ilang gisakyan ug misurender ang duha ka babayeng suspek inay nga mosurender ang lalaki nipabuto hinuon kini sa iyang pistola ug naigo ang mga pulis ug dihang mibalos sa pagpabuto ang otoridad na-igo sa lawas ang suspek ug namatay kini.
Paspas gidala sa ospital ang nasamdan mga pulis ug kasamtangan nagpaalim. Samang wala pa gipanganlan sa kapulisan sa Pennsylvania ang duha nilang kauban ug nagpadayon ilahang imbistigasyon.
Sa usa ka social media post, mipadayag si Pennsylvania Governor Josh Shapiro sa iyang suporta ug ampo sa paspas nga kaayuhan sa duha ka opisyal.
Photo courtesy to:fox news
