Andam ang UN team Philippines sa pagpadala sa gikinahanglang ayuda human makasinati sa magnitude 7.4 nga linog ang Davao Oriental octobre 10, 2025.
Sa usa ka press conference sa Mandaluyong City, si UN Philippines Resident Coordinator Arnaud Peral miingon nga ang mga hingtungdang ahensya sa UN andam sa pagtubag kung ang gobyerno sa Pilipinas mangayo ug tabang.
Ang UN team sa Pilipinas, matod niya, kasamtangang nagsusi sa sitwasyon ug makig-alayon sa mga hingtungdang ahensya sa gobyerno.
Si Joseph Addawe, ang acting head sa UN Office for the Coordination of Humanitarian Affairs (OCHA) sa Pilipinas, mipahayag sa samang press conference nga ang ahensya adunay giandam nga contingency plan aron mapadali ang dali nga pagtubag sa bisan unsang posible nga panghitabo sa higayon nga adunay nanginahanglan.
Ang kusog nga linog miigo sa Davao Oriental sa gilawmon nga 23 km. sa alas 9:43 sa buntag, nga nag-aghat sa gobyerno sa pagpagawas sa usa ka tsunami warning.
Kini maoy ikaduhang kusog nga linog nga miigo sa Pilipinas wala pay duha ka semana, human sa makamatay nga magnitude 6.9 nga linog nga miguba sa amihanang Sugbo niadtong Septiyembre 30.
Ang UN Philippines usa sa mga unang internasyonal nga organisasyon nga misaad ug hinanaling humanitarian nga tabang sa mga apektadong komunidad.
source:Philippine news Agency
