Gipresentar sa Department of Science and Technology–Food and Nutrition Research Institute (DOST-FNRI) ang pinakabag-ong datos kalabot sa “binge drinking” o sobra nga pag-inom sa ilimnon nga makahubog sa Northern Mindanao atol sa ilang presentasyon sa Limketkai Luxe Hotel, ning Dakbayan sa Cagayan de Oro.
Base sa 2023 Expanded National Nutrition Survey, nagpabilin nga kabalaka ang taas nga porsyento sa mga adults nga regular nga nag-inom og sobra sa girekomendadong limit.
Matod sa DOST-FNRI, ang “binge drinking” usa sa mga nag-unang hinungdan sa mga problema sa panglawas sama sa high blood pressure, liver disease, ug aksidente nga may kalabutan sa alkohol.
Gipakita usab sa datos nga mas daghan nga lalaki kumpara sa mga babaye ang nalambigit sa sobra nga pag-inom, ug kadaghanan kanila anaa sa edad nga 20 hangtod 39 anyos.
Photo Courtesy to:Shutterstock
