Nakadani og atensyon sa publiko ang usa ka pamilya sa St. Louis, USA human sa talagsaong petsa ug oras sa pagkahimugso sa ilang bag-ong baby. Natawo si baby J’Aime Brown niadtong Hulyo 11, ensaktong alas-7:11 sa gabii, ug ang iyang gibug-aton mao usab ang 7 pounds ug 11 ounces.
Kining talagsaong kombinasyon eksaktong mohaom sa sikat nga 7-Eleven convenience store chain. Tungod sa talagsaon nga panghitabo, mi-aksyon ang 7-Eleven.
Naghatag ang kompanya og $7,111 alang sa college fund ni baby J’Aime. Dugang pa niini, nagpadala usab ang 7-Eleven og mga regalo sama sa mga diapers, ug uban pang gamit sa bata, isip kabahin sa ilang pagtimbaya.
Dako ang pasalamat sa ginikanan nga sila Rachel Langford ug Johntez Brown sa tabang nga ilang nadawat, ilabi na nga nagpadako sila sa duha ka anak sa limitado nga badyet.
Sa pagkakaron, si baby J’Aime nag-enjoy sa iyang bag-ong media spotlight, samtang ang iyang pamilya nagpadayon sa pagpasalamat sa maayong kapalaran nga ilang nasinati.
Photo Courtesy to: Threads
