Giklaro ni NBA Commissioner Adam Silver, nga ang 2026 All-Star Weekend dili mabalhin gikan sa bag-ong arena sa Los Angeles Clippers, bisan pa sa nagpadayong imbestigasyon sa team bahin sa gikatahong salary cap nga mga kalapasan nga naglambigit ni Kawhi Leonard.
Tumong sa imbestigasyon sa usa ka taho nga si Leonard adunay $28 milyon nga “no-show” nga endorsement deal sa Aspiration Fund Adviser LLC, o usa ka kompanya nga gisuportahan sa tag-iya sa Clippers nga si Steve Ballmer.
Matod ni Silver, ang pagplano alang sa All-Star Game lahi sa imbestigasyon. Ang All-Star Game gikatakda nga ipahigayon sa Pebrero 15, 2026.
Samtang, kung mapamatud-an nga nakalapas sa mga lagda, posibleng pamultahon og hangtod sa P $7.5 milyones, apil ang pagkansela sa mga kontrata ug pag-forfeit sa mga draft pick.
Photo Courtesy to:The Japan Times
