Sikop ang usa ka lalaki kinsa giilang Top 1 Most Wanted Municipal Level ug dunay kasong Frustrated Murder pinaagi sa gipahigayon nga joint law enforcement operation sa kapulisan sa lungsod sa Jose Dalman, Zamboanga Del Norte niadtong Octobre 6 ning tuiga.
Giila ang dinakpan nga si Saturnino Tugahan Guintamon, 56 anyos, minyo, mag-uuma ug residente sa Brgy. Labakid sa maong lungsod.
Gisikop ang suspetsado pinasikad sa warrant of arrest sa maong kaso nga gipagula sa RTC 9, 9th Judicial Region, Branch 11, Sindangan, Zamboanga del Norte, pinetsahan ug Septyembre 30, 2025.
Adunay girekomendar nga pyansa ang korte nga mokabat sa Php200,000.00 alang sa temporaryong kagawasan niini.
Ang dinakpan ang tingkagol sa selda sa Jose Dalman Municipal Police Station alang sa tukmang disposisyon.
Photo Courtesy: Jose Dalman MPS
