Nagpahibalo ang Municipal Agriculture Office (MAO) sa LGU Magsaysay sa tanang mag-uuma nga interesado nga mutanom og Hybrid Rice Seeds nga magsugod na ang pagpanglista alang sa umaabot nga tingtanom.
Gipahimangnoan sa opisina nga limitado lamang ang alokasyon sa hybrid seeds gikan sa Department of Agriculture (DA) karong tuig 2025, hinungdan nga dili tanan makabenepisyo sa programa. Aron patas ang pag apod-apod, gibahin ang mga semilya matag variety base sa ratio ug proportion depende sa gidak-on sa rice area nga sakop sa matag Irrigators Association (IA) o distrito.
Matod sa Municipal Agriculture Office, ang mga mag-uuma nga gusto maka-avail kinahanglan muduol sa ilang IA/District Secretary o Water Master aron makapailista. Ang deadline sa pagsumite sa listahan sa mga kwalipikadong benepisyaryo kay Biyernes, Oktubre 10, 2025.
Ang mga semilya nga ipanghatag mao ang M20, Longping LP2096, LAV 777, ug Bigante, ug ipang-apod-apod kini sa mga mag-uuma Oktubre 13 hangtod 15, 2025.Gidugang pa sa Municipal Agriculture Office nga striktong dili tugotan ang proxy sa pagkuha sa semilya aron masiguro nga ang tinuod nga mag-uuma mismo ang makadawat sa ayuda.
SOURCE: FITS MAGSAYSAY
Photo Courtesy to:Medium
