Giturn-over ang ₱100,000 nga kantidad sa Product Diversification and Development Grant (PDDG) alang sa mga Sustainable Livelihood Program (SLP) Associations sa lungsod sa Tagbina, kini kabahin sa paningkamot sa Lokal nga Pangagamhanan sa nga mapalig-on ang mga lokal nga gagmayng negosyo ug mapadayon ang mga inisyatiba sa panginabuhian.
Ang maong kalihokan gipahigayon sa Mayor’s Office, Legislative Building, Poblacion, Tagbina uban ang pagdumala ni Mayor Glaiza Jane Polizon Lanete, isip suporta sa “Sibol” Five-Year Sustainability Plan sa munisipyo.
Tumong sa PDDG ang pagtabang sa mga SLP Associations aron mapaayo ang kalidad sa ilang mga produkto, mapalapdan ang mga serbisyo ug kapilian sa produkto, ug makasulod sa mas lapad nga merkado.
Ubos sa programa, ang kwalipikadong mga asosasyon makadawat og ₱100,000 grant sa unang duha ka tuig isip insentibo alang sa pagtuman sa mga performance indicators nga gisukod sa mga naunang yugto sa implementasyon, lakip na ang USBONG phase.
Ang grant gilaraw aron mapaligon ang product development, innovation, ug competitiveness sa mga lokal nga micro-enterprises.
Photo courtesy to LGU Tagbina
