Nakahiagom og laing kapildihan si Jino Rodrigo batok kang Cain Sandoval nga wala pay pildi, pinaagi sa 10th-round stoppage niadtong nakalabay nga adlaw sa Chumash Casino sa Santa Ynez, California.
Atol sa kompetisyon, si Sandoval nag-una sa scorecards human sa siyam ka round, diin nagkinahanglan si Rodrigo og knockout aron makadaog.
Gisulayan ni Rodrigo nga makuha ang maong knockout, pinaagi sa paglabay og bug-at nga mga suntok apan si Sandoval mihatag og kombinasyon sa left hook-right hook-left hook nga nakapapildi sa pinoy nga boksidor.
Dugang pa niini, ang maong dula ikatulong kapildihan sa 28-anyos nga si Rodrigo sa upat ka away nga gipahigayon sa nasud US.
Photo Courtesy to:Ring Star
