Gipasiugda sa Schools Division Office Digos City ang Academic Recovery and Accessible Learning o ARAL Program uban sa capacity building alang sa mga ARAL-Reading tutors atol sa gipahigayon nga Division roll-out sa Digos City.
Matod ni Anna Maria Patricia Santos, Senior Education Program Specialist sa NEAP-Central Office Quality Assurance Division, nga ang mga tutors mahimong tulay sa mga estudyanteng naglisod aron mahimong malampuson sa ilang pag-eskwela.
Gibutyag usab nga tumong sa DepEd ang pagpamenos sa learner attrition pinaagi sa pagpalig-on sa ARAL tutors aron matabangan, magiyahan ug makahatag inspirasyon sa matag estudyante.
Gidugang pa ni Santos nga pinaagi sa programang ARAL, maablihan ang pultahan sa kalampusan ug damgo alang sa mga kabataan.
SOURCE: DEPED DIGOS CITY
