40 ka tao ang patay human maigo sa kilat sa Cambodia sulod sa unang siyam ka bulan ning tuiga. Mas ubos kini kumpara sa 54 ka patay sa sama nga panahon niaging tuig.
Sumala sa disaster management office, apil sa mga biktima ang 13 kababayen-an ug 13 ka bata. Samtang 58 ang naangol ug 71 ka baka ang nangamatay tungod sa pagkaigo sa kilat.
Pinakadaghan nga insidente natala sa mga probinsya sa Siem Reap, Battambang, Banteay Meanchey ug Preah Sihanouk.
Gi-awhag usab ang publiko nga magpuyo lang sa balay o mangita og panalipod kon adunay kusog nga ulan ug dalugdog aron malikayan ang disgrasya.
Photo for illustration credit to:Polytechnique Insight
